საქართველოს 2010წლის 17 ოქტომბრის შრომის კოდექსი აწესრიგებს საქართველოს ტერიტორიაზე შრომით და მის თანამდევ ურთიერთობებს. თუმცა შრომით და მის თანამდევ ურთიერთობების მიმართ გამოიყენება ასევე სხვა სპეციალური კანონმდებლობა და საერტაშორისო ხელშეკრულებები (მაგ. ევროპის სოციალური ქერტია, ყოველწლიური ფასიანი შვებულების შესახებ კონვენცია და სხვ.) შრომით ურთიერთობასთან დაკავშირებული საკითხები, რომლებსაც არ აწესრიგებს ეს კანონი ან სხვა სპეციალური კანონი (მაგალითისთვის პროფკავშირების შესახებ კანონი) წესრიგდება საქართველოს სამოქალაქო კოდექსით.

შრომითი ურთიერთობები

რას აწესრიგებს ეს კანონმდებლობა - საჯარო რეესტრი არის უძრავ ნივთებზე საკუთრების უფლებათა (სახლი, მიწის ნაკვეთი), სამართლებრივი შეზღუდვის (მაგალითად: ყადაღა, სასამართლოს ან ადმინისტრაციულ ორგანოს რეგისტრაციის აკრძალვა), საგადასახადო გირავნობის იპოთეკის, მოძრავ ნივთებსა და არამატერიალურ ქონებრივ სიკეთეზე (საავტორო უფლებები, პატენტი)
უფლებათა რეესტრების ერთობლიობა. საჯარო რეესტრი არის მარეგისტრირებელი ორგანო. იმისათვის, რომ თქვენ გახდეთ ბინის, მიწის ნაკვეთის ან სხვა ქონების მესაკუთრე, საჭიროა საკუთრების უფლება დაარეგისტრიროთ საჯარო რეესტრში. სწორედ რეგისტრაციის მომენტიდან
ითვლება პირი მესაკუთრედ. ამრიგად ქონების ჩუქების, ყიდვის ან მემკვიდრეობით მიღების შემთხვევაში აუცილებელია ქონების რეგისტრაცია საჯარო რეესტრში.
საჯარო რეესტრში დარეგისტრირებული მო ნაცემები საჯარო და ხელმისაწვდომია გასაცნობად. საჯარო რეესტრში დაცული დოკუმენტის დედნის გამოთხოვა შესაძლებელია სასამართლოს
შესაბამისის აქტით ან ადმინისტრაციული ორგანოს მიერ. საჯარო რეესტრში რეგისტრირებული მონაცემების მიმართ მოქმედებს უტყუარობის პრეზუმფცია, ვიდრე ისინი კანონმდებლობის შესაბამისად
არ იქნება ცნობილი ძალადაკარგულად, ბათილად ან არარად ე.ი. რეესტრის ჩანაწერები ითვლება სწორად, მანამ, სანამ არ დამტკიცდება საწინააღმდეგო.

 საჯარო რეესტრი

საგადასახადო დავის არსებობის შემთხვევაში მისი განხილვის შესაძლებლობა გადასახადის გადამხდელს აქვს, როგორც ფინანსთა სამინისტროში სისტემაში, ასევე სასამართლოში. ამასთანავე, მომჩივანს საგადასახადო დავის ფინანსთა სამინისტროს სისტემაში განხილვის ნებისმიერ ეტაპზე შეუძლია მიმართოს სასამართლოს, სადაც დავის წარმოების წესები განისაზღვრება საქართველოს ადმინისტრაციული საპროცესო კანონმდებლობით.

მარეგულირებელი კანონმდებლობა
1. 2010 წლის 17 სექტემბრის საქართველოს საგადასახადო კოდექსი;
2. 1999 წლის 23 ივლისის საქართველოს ადმინისტრაციული საპროცესო კოდექსი.
3. 2011 წლის 12 ივლისის საქართველოს მთავრობის #278-ე დადგენილება “საგადასახადო შეთანხმების გაფორმების წესისა
და პირობების დამტკიცების შესახებ”.

საგადასახადო დავა და საგადასახადო შეთანხმება

ბინის პრივატიზება – გულისხმობს ადგილობრივი თვითმმართველობის ორგანოს (გამგებელი) მხრიდან თქვენს მიერ დაკავებული ფართის უსასყიდლოდ საკუთრებაში გადმოცემას.

მარეგულირებელი კანონმდებლობა: 
1. საქართველოს პრეზიდენტის 2007 წლის 29 იანვრის #73 ბრძანებულება ,,კანონიერი მოსარგებლეებისათვის გადასაცემი არაპრივატიზებული საცხოვრებელი და არასაცხოვრებელი (იზოლირებული და არაიზოლირებული) ფართობის ადგილობრივი თვითმმართველობის აღმასრულებელი ორგანოების მიერ კანონიერი მოსარგებლეებისათვის უსასყიდლოდ საკუთრებაში გადაცემის წესის დამტკიცების
შესახებ’’;
2. ,,საქართველოს ზოგადი ადმინისტრაციული კოდექსი”;
3. ,,საქართველოს ადმინისტრაციული საპროცესო კოდექსი’’;
4. საქართველოს უზენაესი სასამართლოს რეკომენდაციები ადმინისტრაციული სამართლის საქმეებთან დაკავშირებით.

ბინის პრივატიზება

მარეგულირებელი კანონმდებლობა 1. 1997 წლის 26 ივნისი “საქართველოს სამოქალაქო კოდექსი”; 2. 1997 წლის 14 ნოემბერი საქართველოს სამოქალაქო საპროცესო კოდექსი; 3. 2009 წლის 18 დეკემბერი საქართველოს კანონი ,,შვილად აყვანისა და მინდობით აღზრდის შესახებ”; 4. 1998 წლის 15 ოქტომბრის კანონი `სამოქალაქო აქტების რეგისტრაციის შესახებ~ საქართველოს სამოქალაქო კოდექსი, არეგულირებს სხვადასხვა კერძო სამართლებრივ ურთიერთობებს, მათ შორის, საოჯახო სამართლებრივ ურთიერთობებს, კერძოდ: ქორწინებას, განქორწინებას, ალიმენტს, მამობის დაგენას, მშობლებისა და შვილების ერთმანეთის მიმართ უფლებამოვალეობებს. განსაზღვრავს მეუღლე- თა თანასაკუთრებასა და ინდივიდუალურ საკუთრებებს. სამოქალაქო საპროცესო კოდექსი აწესებს სხვადასხვა დავების დროს, მათ შორის ზემოთ მითითებულ საკითხებზე დავის დროს სასამართლოსთვის მიმართვის წესს, ვადებს და პროცედურებს. შვილად აყვანის შესახებ კანონი კი არეგულირებს, შვილად აყვანის პროცედურებს, კერძოდ ხელს უწყობს მეურვეობისა და მზრუნველობის ორგანოსა და სოციალური მომსახურების სააგენტოების მეშვეობით საქართველოს ტერიტორიაზე ბავშვის შვილად აყვანის პროცედურების განხორციელებას.

საოჯახო სამართალი

კანონი შეეხება მრავალბინიან სახლში მდებარე საცხოვრებელი და არასაცხოვრებელი, მათშორის, კომერციული მიზნებისათვის გამოყენებული ფართობის მესაკუთრეთა, ასევე, ინდივიდუალური საცხოვრებელი სახლების მესაკუთრეთა გაერთიანებებს.

ბინათმესაკუთრეთა ამხანაგობა

ქონების გადასახადის ცნებას, მისი გადახდის წესს და პირობებს, ქონების გადასახადისაგან გათავისუფლებისა და საგადასახადო ორგანოში ქონების გადასახადის დეკლარაციის წარდგენის წესსა და პირობებს არეგულირებს საქართველოს საგადასახადო კოდექსის 200-206-ე მუხლები, ასევე საქართველოს ფინანსთა
მინისტრის 2010 წლის 31 დეკემბრის "გადასახადების ადმინისტრირების შესახებ" #996 ბრძანების 87-92-ე მუხლები და ქალაქ თბილისის საკრებულოს 2011 წლის 28 იანვრის
#1-9 გადაწყვეტილება ქ. თბილისის ტერიტორიაზე ადგილობრივი გადასახადის შემოღების შესახებ“.

ქონების გადასახადი

ქალაქ თბილისის ტერიტორიაზე სამშენებლო საქმია-
ნობაზე ზედამხედველობის განხორციელების მიზნით, ქალაქ თბილისის მერიაში შექმნილია ზედამხედველობის საქალაქო სამსახური.
სამშენებლო საქმიანობაზე ზედამხედველობის საკითხს აწესრიგებს 2012 წლის 7 მაისის
საქართველოს კანონი პროდუქტის უსაფრთხოებისა და
თავისუფალი მიმოქცევის კოდექსი. ამ კანონით არ რეგულირდება ისეთი სამშენებლო საქმიანობა, რომელიც არ საჭიროებს მშენებლობის ნებართვას.

უნებართვოდ ან/და პროექტის დარღვევით განხორციელებული სამშენებლო საქმიანობა და მასთან დაკავშირებული ადმინისტრაციული ჯარიმები

2011 წლის პირველი იანვრიდან ამოქმედდა საქართველოს ახალი საგადასახადო კოდექსი, რომლითაც საგადასახადო კანონმდებლობაში შევიდა ცვლილებები და აგრეთვე გათვალისწინებულ იქნა მრავალი სიახლე. ამ სიახლეებიდან ქვემოთ განხილული იქნება რამოდენიმე, კერძოდ სპეციალურ სავაჭრო ზონა და სპეციალური დაბეგვრის რეჟიმები ანუ მიკრო და მცირე ბიზნესი.

სპეციალური სავაჭრო ზონა, მცირე და მიკრო ბიზნესის სტატუსი

რა შემთხვევებში შეიძლება დაგენიშნოთ პენსია? - თქვენ პენსია დაგენიშნებათ შემდეგ შემთხვევებში:
1. თუ საპენსიო ასაკს მიაღწევთ;
2. თუ შეზღუდული შესაძლებლობის სტა-
ტუსი დაგიდგინდებათ ანუ ინვალიდობის დროს;
3. და მარჩენალის გარდაცვალების დროს ანუ თუ გარდაიცვლება ოჯახის ისეთი წევრი, რომელიც გარჩენდათ.
პენსიის უფლების წარმოშობის მომენტიდან ანუ როდესაც თქვენ მიაღწევთ საპენსიო ასაკს, ან და-
გიდგინდებათ შეზღუდული შესაძლებლობის სტა-
ტუსი, ან დაკარგავთ მარჩენალს, ამ შემთხვევებში
უნდა მიაკითხოთ პენსიის დასანიშნად სოციალური მომსახურების სააგენტოს.
ორი ან მეტი საფუძვლით პენსიის მიღების უფლების წარმოშობის შემთხვევაში პენსია გენი-
შნებათ მხოლოდ ერთი საფუძვლით.
მაგალითად: თუ იღებდით მარჩენალდაკარგუ-
ლის პენსიას და წარმოგეშვათ პენსიის მიღების მეორე საფუძველი (მაგ.; მიაღწიეთ საპენსიო ასაკს), ამ შემთხვევაში პენსია დაგენიშნებათ მხოლოდ ერთი საფუძვლით ანუ Eგეძლევათ არჩევანის
უფლება ან დაიტოვოთ მარჩენალდაკარგულის პენსია ან მიიღოთ პენსია ასაკის გამო.

მარეგულირებელი კანონმდებლობა
1. საქართველოს კანონი ,,სახელმწიფო პენსიის შესახებ’’ ;
2. საქართველოს კანონი ,,სოციალური დახმა-
რების შესახებ’’
3. ქ. თბილისის საკრებულოს გადაწყვეტილება “ქ. თბილისის 2011 წლის ბიუჯეტის დამტკიცების შესახებ”
4. ინტერნეტ-რესურსი: წწწ.სსა.გოვ.გე

სოციალური საკითხები

სესხი არის ფულის ან სხვა ნივთის
დროებით გადაცემა სხვისთვის. პრაქტიკაში
სესხის სახით ძირითადად ფული
გაიცემა. რაც შეეხება ნივთს, აქ იგულისხმება
ნივთი, რომელიც მსესხებელმა უნდა
მოიხმაროს და შემდგომ უნდა დააბრუნოს
სხვა მსგავსი იმავე სახის, ხარისხის და
რაოდენობის ნივთი და არა იგივე.

სესხი-იპოთეკა

თუ თვლით, რომ დაირღვა თქვენი უფლებები, გაქვთ დავა ადმინისტრაციულ ორგანოსთან (მერია, გამგეობა, საჯარო რეესტრი, სამოქალაქო რეესტრი), ფიზიკურ პირთან (18 წლის ქმედუნარიანი პირი) ან იურიდიულ პირთან (შპს, სააქციო საზოგადოება და ა შ) შეგიძლიათ მიმართოთ სასამართლოს. არსებობს სამი ინსტანციის სასამართლო. 1. პირველი ინსტანციის სასამართლო – რაიონული და საქალაქო სასამართლოები; 2. მეორე ინსტანციის სასამართლო – თბილისისა და ქუთაისის სააპელაციო სასამართლოები; 3. მესამე ინსტანციის სასამართლო – საქართველოს უზენაესი სასამართლო. დავის დასაწყებად უნდა მიმართოთ პირველი ინსტანციის სასამართლოს. სასამართლოში საქმის წარმოება მიმდინარეობს სასარჩელო ან უდავო წარმოების გზით. სასარჩელო წარმოებაა ისეთი სამართალწარმოება, როდესაც სასამართლოს მივმართავთ სპეციალურად შემუშავებული სარჩელის ფორმებით. სასარჩელო წარმოებისას აუცილებელია გყავდეთ მოპასუხე, რომელსაც სასამართლო წესით დააკისრებთ რაიმეს თქვენს სასარგებლოდ. მაგალითად სასამართლო წესით მოპასუხისგან შეიძლება მოითხოვოთ თქვენი არასრულწლოვანი შვილის სასარგებლოდ ალიმენტი, გასესხებული თანხის უკან დაბრუნება და ა. შ. იმისათვის, რომ საქმე აწარმოოთ სასამართლოში, საჭიროა სარჩელის შეტანამდე მოიძიოთ ყველა ის დოკუმენტი, რომელიც პირდაპირ კავ- შირშია თქვენს სადავო საკითხთან, თქვენს მიერ სარჩელში მითითებულ ფაქტებს დაადასტურებს და თქვენს სასარჩელო მოთხოვნას მოპასუხის მიმართ სამართლებრივად გაამყარებს. მოძიებული დოკუმენტები უნდა დაურთოთ სარჩელს.

სახელშეკრულებო ურთიერთობები

საშემოსავლო გადასახადის გამოანგარიშების და გადახდის წესს, ამასთან დაკავშირებულ სხვა პირობებს განსაზღვრავს საქართველოს საგადასახადო კოდექსის XI-XII თავი, ასევე საქართველოს ფინანსთა მინისტრის 31.12.2010 წლის #996-ე ბრძანება `გადასახადების ადმინისტრირების შესახებ და საქართველოს მთავრობის 29.12.2010 წლის #415-ე დადგენილება მიკრო და მცირე ბიზნესის სტატუსის მქონე პირებისათვის აკრძალული საქმიანობებისა და საქმიანობებისა და შემოსავლების სახეების, რომლებიც არ დაიბეგრება ან/და, რომლებზეც არ გავრცელდება საშემოსავლო გადასახადის სპეციალური დაბეგვრის რეჟიმები, განსაზღვრის შესახებ.

 საშემოსავლო გადასახადი

აღნიშნული კანონმდებლობა უზრუნველყოფს
მოსახლეობისათვის უსაფრთხო საცხოვრებელი გარემოს
შექმნას, ასევე, განსაზღვრავს მშენებლობის
ნებართვის გაცემასთან დაკავშირებულ საკითხებს
და არეგულირებს მშენებლობის ნებართვის გაცემის,
სანებართვო პირობების შესრულების და შენობა-
ნაგებობის ექსპლუატაციის (შენობის ვარგისად
აღიარების) პროცესს.

სამშენებლო საქმიანობასთან დაკავშირებული საკითხები

აღნიშნული ბრძანებულების გამოცემის მიზანია უნებართვოდ ან/და პროექტის დარღვევით აშენებული ობიექტების ან მათი ნაწილების ლეგალიზების შესახებ გადაწყვეტილების მიღება ანუ კანონის დარღვევით აშენებული შენობების ან მათი ნაწილების გარკვეულ კანონიერ ჩარჩოებში მოქცევა, წესის მოქმედება ვრცელდება 2007 წლის 1 იანვრამდე უნებართვოდ ან/და პროექტის დარღვევით აშენებულიობიექტების ან მათი ნაწილების მიმართ. წესის მოქმედება ვრცელდება იმ მრავალბინიან სახლების დაუმთავრებელი მიშენება-დაშენების მიმართაც, რომლებზეც 2007 წლის 1 იანვრამდე უნებართვოდ ან/და პროექტის დარღვევით დაიწყო მშენებლობა და რომელიც არ გულისხმობდა მიშენების გაზრდას ან/და სართულის დამატებას (მაგალითად: აივანი, ლოჯი,სხვენი, მანსარდი).
წესის მოქმედება აგრეთვე ვრცელდება 2007 წლის 1 იანვრამდე დაწყებულ და დაუმთავრებელ 500 კვ.მ-მდე საერთო ფართის მქონე ინდივიდუალურ საცხოვრებელ სახლებზეც, რომელთა ნულოვან
ნიშნულამდე მოწყობის სამუშაოები დასრულებულია (აშენება დამთავრებულისახლები, რომლებიც გადახურულია).

პროექტის დარღვევით ან უნებართვოდ აშენებული შენობა-ნაგებობის ან მისი ნაწილის ლეგალიზება

რა სამართლებრივ ურთიერთობას აწესრიგებს ეს კანონი? საბჭოთა პერიოდის საქართველოში არ არსებობდა კერძო საკუთრების ცნება (მაგ: ბინა, კერძო სახლი და ა.შ). შესაბამისად ძალიან იშვიათად ფორმდებოდა ნოტარიალურად დამოწმებული ბინების ნასყიდობის ხელშეკრულებები. იმისათვის რომ თქვენ ჩაითვალოთ სრულუფლებიან ,,ატსტუპნიკად“, საჭიროა:
• თქვენ ან თქვენს მამკვიდრებელსა (გარდაცვლილი წინაპარი) და ბინის მესაკუთრეს
შორის არსებობდეს ამ კანონის თანახმად წარმოშო-
ბილი ურთიერთობა 1921 წლის 25 თებერვლიდან 1996 წლის 27 ივნისამდე;
• ბინის მესაკუთრესთან წერილობით დადებული გქონდეთ ბინის ნასყიდობის შესახებ ხელწერილი, ან გადახდილი გქონდეთ მესაკუთრისათვის ბინის საფასური.

ნასყიდობის ხელწერილის გაფორმების გარეშე, ან
ადმინისტრაციული აქტის საფუძველზე (მაგ: მინი-
სტრის ბრძანება, აღმასკომის დადგენილება და ა.შ.) შესახლებული იყოთ სხვის კერძო საკუთრებაში;
• ჩაწერილი (მაგ: ჩაწერა საბინაო წიგნში)
იყოთ დაკავებულ ბინაში 1921 წლის 25 თებერვლი-
დან 1996 წლის 27 ივნისამდე;
• სადაო ბინაში ჩაწერის შემდეგ და კანონის მიღების მომენტისათვის (1998 წლის 25 ივნისი) ცხოვრობდეთ დაკავებულ ბინაში და სარგებლობდეთ მისით (სარგებლობის დამადასტურებელ დოკუმე-
ნტებია დაკავებულ ბინაში აბონენტად რეგისტრა-
ცია და კომუნალური გადასახადების გადახდის ქვითრები);
• ბინის მესაკუთრისათვის ერთიანად გქონდეთ გადახდილი ბინის საფასური და არა ნაწილ-ნაწილ ბინის ქირის სახით. თუ თქვენ აკმაყოფილებთ
ზემოთ ჩამოთვლილ მოთხოვნებს, ეს იმას ნიშნავს,
რომ ხართ ,,ატსტუპნიკი’’ და თქვენი საკითხი უნდა გადაწყდეს ,,საცხოვრებელი სადგომით სარგებლობი-
სას წარმოშობილი ურთიერთობების შესახებ” საქა-
რთველოს კანონის შესაბამისად.

საცხოვრებელი სადგომით სარგებლობისას წარმოშობილი ურთიერთობები_ე.წ. "ატსტუპნიკები"

საკონტროლო-სალარო აპარატის გამოყენების ვალდებულება პირი, რომელიც ეწევა ეკონომიკურ საქმიანობას ანუ იმგვარ საქმიანობას რომელიც ხორციელდება შემოსავლის მისაღებად, ვალდებულია
მომხმარებელთან ნაღდი ფულით ანგარიშსწორება აღრიცხოს საკონტროლო-სალარო აპარატის (შემდეგში – სალარო აპარატი) მეშვეობით. მომხმარებლად ითვლება პირი, რომელიც იხდის მიწოდებულ ან მისაწოდებელი საქონლის/მომსახურების საფასურს. ეკონომიკური საქმიანობის ყველა სახე და ყველა შემთხვევა არ ექვემდებარება სალარო აპარატის გამოყენების ვალდებულებას, არის გამონაკლისი შემთხვევები, როდესაც პირი არ არის ვალდებული გამოიყენოს სალარო აპარატი, მიუხედავად იმისა რომ, აწარმოებს ეკონომიკურ საქმიანობას და ახდენს ნაღდი ფულით ანგარიშსწორებას. (ამ შემთხვევებს ქვემოთ განვიხილავთ) აუცილებელია რომ, სალარო აპარატის გამოყენების ვალდებულების მქონე პირმა მოახდინოს მისი რეგისტრაცია.

საკონტროლო-სალარო აპარატი

გადამხდელის საგადასახადო შემოწმების პროცედურები და ამ პროცესში გადამხდელის უფლება-მოვალეობები რეგულირდება საქართველოს საგადასახადო კოდექსის 41, 43, 262-268-ე მუხლებით.
გადასახადის გადამხდელის საგადასახადო კონტროლს ახორციელებს მხოლოდ საგადასახადო ორგანო. სხვა მაკონტროლებელ და სამართალდამცავ ორგანოებს ეკრძალებათ გადასახადის გადამხდელის საქმიანობის საგადასახადო კონტროლის განხორციელება. საგადასახადო კონტროლის პროცედურებმა გონივრულ ფარგლებში არ უნდა დაარღვიოს პირის საქმიანობის ჩვეული რიტმი და არ უნდა გააჩეროს მისი საქმიანობა.

საგადასახადო შემოწმება

საგადასახადო სამართალდარღვევა და მისგან გამომდინარე პასუხისმგებლობა რეგულირდება საქართველოს საგადასახადო კოდექსის XIII კარით. საგადასახადო სამართალდარღვევა და პასუხისმგებლობა
საგადასახადო კოდექსის მიხედვით, სამართალდარღვევა არის პირის (ინდ. მეწარმე, შ.პ.ს. და ა.შ.) მოქმედებით ან უმოქმედობით განხორციელებული მართლწინააღმდეგობა, რომლისთვისაც საგადასახადო კოდექსით დადგენილია კონკრეტული პასუხისმგებლობა, მაგ: საკონტროლო სალარო აპარატის გამოუყენებლობა, სასაქონლო მატერიალური ფასეულობების აღურიცხველობა და ა.შ.

საგადასახადო სამართალდარღვევები

საგადასახადო ორგანოების მიერ გადასახადის გადამხდელის მიმ დინარე კონტროლის განხორციელების წესი და პროცედურები მოწესრიგე ბულია 2010 წლის 17 სექტემბრის საქართველოს საგადასახადო კოდექსითა (მოქმედებს 2011 წლის 1 იანვრიდან) და 2010 წლის 31 დე კემ ბრის საქართველოს ფინანსთა მინისტრის მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმის წარმოების წესის დამტკიცების თაობაზე #994-ე ბრძანებით.

საგადასახადო ორგანოების მიერ გადასახადის გადამხდელის მიმდინარე კონტროლი

საგადასახადო დავალიანების გადახდევინების უზრუნველყოფა რეგულირდება საქართველოს საგადასახადო კოდექსის 238-244-ე მუხლებით, Aასევე, საქართველოს ფინანსთა მინისტრის 2010 წლის 31 დეკემბრის #994 ბრძანებით `მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის
ღონისძიებების განხორციელების, სამართალდარღვევათა საქმისწარმოების წესის დამტკიცების თაობაზე.

 საგადასახო დავალიანების გადახდევინების უზრუნველყოფა

საგადასახადო დავის არსებობის შემთხვევაში მისი განხილვის შესაძლებლობა გადასახადის გადამხდელს აქვს
როგორც ფინანსთა სამინისტროში სისტემაში, ასევე სასამართლოში. ამასთანავე, მომჩივანს საგადასახადო დავის ფინანსთა სამინისტროს სისტემაში განხილვის ნებისმიერ ეტაპზე შეუძლია მიმართოს სასამართლოს, სადაც დავის წარმოების წესები განისაზღვრება საქართველოს ადმინისტრაციული საპროცესო კანონმდებლობით.

საგადასახადო დავა და საგადასახადო შეთანხმება

რას აწესრიგებს ეს კანონმდებლობა? - აღნიშნული ნორმატიული აქტებით დარეგუ-
ლირდა და განისაზღვრა კანონის ამოქმედებამდე ფიზიკური და იურიდიული პირების მართლზომიერ მფლობელობაში არსებული, ასევე, თვითნებურად დაკავებული სასოფლო და არასასოფლო-სამეურ-
ნეო დანიშნულების მიწაზე საკუთრების უფლების აღიარების წესი, პირობები და საკუთრების უფლების აღიარებაზე უფლებამოსილი ორგანოები, ანუ მიწის ნაკვეთის მათი ფაქტიური მფლობელებისათვის სა-
კუთრებაში გადამცემი ორგანოები.
მიწაზე საკუთრების უფლების აღიარება - საკუ-
თრებაში გადაცემა – ხორციელდება სასყიდლიანი ან/და უსასყიდლო ფორმით.

 მიწის ნაკვეთზე საკუთრების უფლების აღიარება

საქართველოს ტერიტორიაზე საქონლის იმპორტი (საზღვარგარეთ წარმოებული პრო დუქციის შემოტანა საქარ- თველოში) დაკავშირებულია გარ კვეულ პროცედურე ბთან. ამ მხრივ ყველაზე იოლი გზაა ტვირთის გადამზი დავი კომპანიების მომსა ხურებით სარგებლობა, რომლებიც უზრუნველყოფენ იმპორტიორის (ფიზიკური ან იურიდიული პირი, რომელიც საქართვე ლოს ეკონომიკურ საზღვარზე  გადააად გილებს საქონელს) მიერ საქარ- თველოს საზღვრებს გა რეთ შე ძენილი საქონლის საქართველოში შემოტანას, შესაბამისი საბაჟო პროცედურების გავლას და უკვე გან ბაჟებული სა ქონლის იმპორტიორისათვის გადაცემას. იმ შემთხვევაში, თუ იმპორტიორი თავად გადაწყვეტს საქონლის საქართველოს ტერიტორიაზე შემოტანას, მან უნდა დაიცვას ტრანსპორტირებისა და გან ბაჟების შესა ბამისი პროცედურები და წესები. ამრიგად, ყოველივე ზემოაღნიშნულიდან ცხადია, რომ საქართველოს ტერიტორიაზე საქონლის შემოტანა შე უძ ლია რო გორც უშუალოდ ტვირთის მესაკუთრეს ან მის წარმომადგენელს (სა წარ მოს /ორგანიზაციის ან მე წარ მე ფიზიკური პი რის სახელით მოქმედ ან მასთან დასაქმებულ პირს, რომელიც მოქმედებს სა წარ მოს/ორგანიზაციის ხელმძღვა ნე ლის ან მეწარ მე ფიზიკური პირის მიერ გაცემული დოკუმენტის საფუძველზე, ხოლო ფიზიკური პირის შემთხვევაში – მინდობილობის საფუძველზე), ასევე ტრან სპორტირებაზე პასუხისმგებელ პირს (მაგალითად, მისაბმელიანი 6 სატვირ თო ავტომობილების მძღოლები, რომლებიც სხვადასხვა ქვეყნის ტერიტორიაზე გადააადგილებენ მათთვის მიბარებულ საქონელს).

საქონლის იმპორტი

რა არის სამკვიდრო? - ქონება, რომელიც თქვენ გრჩებათ მემკვიდრეობით, შეიძლება შედგებოდეს, უძრავი და მოძრავი ნივთებისაგან.

პუბლიკაცია შეეხება საკვიდროს, სამკვიდროს მიღების პროცუდურებსა და ვადებს, მამკვიდრებელსა და მემკვიდრეებს, მემკვიდრეთა რიგითობასა და სავალდებულო წილს.

მემკვიდრეობა

სამეწარმეო საქმიანობის დაწყება პირი, რომელიც გადაწყვეტს სამეწარმეო საქმიანობას (სამეწარმეო საქმიანობა წარმოადგენს მართლზომიერ და არაერთჯერად საქმიანობას, რომელიც
ხორციელდება მოგე ბის მიღების მიზნით), ვალდებულია, განახორციელოს გარკვეული მოქმედებე ბი ასეთი საქმიანობის დასაწყებად. პირველ რიგში, აუცილებელია სახელმწიფო/საგადასახადო რეგისტრაცია,
რის შედეგადაც პირს კანონის მიხედვით წარმოექმნება თავისი საქმიანობიდან შემოსავლის მიღების უფლება და სახელმწიფოს მიერ დაწე სებული გადასახადების გადახდის ვალდებულება.
რეგისტრაციის გარეშე სამეწარმეო საქმიანობის განხორციელება პირს არ ათავისუფლებს გა დასახადის გადახდის ვალდებულებისაგან, უფრო მეტიც, რეგისტრაციის გარეშე საქმიანობა წარმოადგენს
ადმინისტრა ციულ სამართალდარღვევას, რისთვისაც გათვალისწინებულია შესაბამისი პასუხისმგებლობა. თუ საქმე ეხება რეგისტრაციის გარეშე დიდი რაოდენობით შემოსავლის მიღებას, რამაც
ბიუჯეტს მნიშვნელო ვა ნი ზიანი მიაყენა, მაშინ დადგება სისხლისსამართლებრივი პასუხისმგებლობის საკითხი, რომელიც თავისუფლების აღკვეთასაც ითვალისწინებს. გადასახადის გადამხდელი არ
თავისუფლდება იმ გადასახადების გადახადისგან, რომელიც მას ჰქონდა სახელმწიფო რეგისტრაციამდე/საგადასახადო აღრიცხვამდე. ცნებები - დიდი რაოდენობით და მნიშვნე ლოვანი ზიანი - შეფასებითია და მათი განსაზღვრა ყოველ კონკრეტულ შემთხევაში დამოუკიდებლად უნდა განხორციელდეს. სამეწარმეო საქმიანობა შეიძლება განახორციელოს როგორც ფიზიკურმა პირმა (ინდივიდუალურ მეწარმედ რეგისტრაციის გზით), ისე იურიდიულმა პირმა (მაგალითად, შეზღუდული პასუხისმგებლობის საზოგადოება).

გადასახადის გადამხდელის რეგისტრაცია და საგადასახადო ორგანოებთან ურთიერთობა

აღნიშნული კანონმდებლობა ადგენს ქალაქ თბილისის საკუთრებაში არსებული ქონებისა და კატეგორიებს, აწესრიგებს მისი შექმნისა და განკარგვის - როგორც საკუთრებით, ასევე სარგებლობით გადაცემის საკითხებს.

თბილისის-დედაქალაქის ქონების განკარგვა

ელექტრო ენერგია, ბუნებრივი აირი და სასმელი წყალი არის ყოველდღიური აუცილებლობა, რომელსაც ყველა ჩვენგანი მოიხმარს და შესაბამისა, დადგენილ გადასახადებს იხდის. თუ ჩვენც გვეცოდინება ჩვენი და მომწოდებელი კომპანიის ძირითადი უფლებები და მოვალეობები, ეს დაგვეხმარება სწორად წარვმართოთ ურთიერთობა კომპანიასთან, დავიცვათ ჩვენი კანონიერი უფლებები და დაზღვეულები ვიყოთ უსიამოვნო მოულოდნელობებისაგან.

მარეგულირებელი კანონმდებლობა და საქართველოს კანონები: 1. „დამოუკიდებელი ეროვნული მარეგულირებელი ორგანიების შესახებ“ 13.09.2002; 2. „ელექტროენერგეტიკისა და ბუნებრივი გაზის შესახებ“ 27.06.1997; 3. „მომხმარებელთა უფლებების შესახებ“ 1996წლის 20 მარტი; 4. „ლიცენზიებისა და ნებართვების შესახებ“ 24.06.2005; 5. „სამოქალაქო კოდექსი“ 26.06.1997; 6. „ ზოგადი ადმინისტრაციული კოდექსი“ 25.06.1999; 7. „ ადმინისტრაციულ სამართალდარღვევათა კოდექსი“ 15.11.1984

ელექტრო ენერგიის, ბუნებრივი აირის და სასმელი წყლის მომხმარებელთა უფლებები და მათი დაცვა

მარეგულირებელი კანონმდებლობა - 1. 1998 წლის 15 ოქტომბრის საქართველოს კანონი “სამოქალაქო აქტების რეგისტრაციის შესახებ”; 2. 2009 წლის 15 დეკემბრის საქართველოს კანონი “ სამოქალაქო რეესტრის სააგენტოს მიერ გაწეული მომსახურეობისათვის დაწესებული საფასურის შესახებ”; 3. 1996 წლის 27 ივნისის საქართველოს კანონი “საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის, (ბინადრობის) მოწმობისა და საქართველოს მოქალაქის პასპორტის გაცემის წესის შესახებ” 4. 2011 წლის 27 ივლისის იუსტიციის მინისტრის ბრძანება “საქართველოს მოქალაქეთა და საქართველოში მცხოვრებ უცხოელთა რეგისტრაციისა და რეგისტრაციიდან მოხსნის, პირადობის (ბინადრობის) მოწმობის, პასპორტის სამგზავრო პასპორტისა და სამგზავრო დოკუმენტის გაცემის წესის დამტკიცების შესახებ” საქართველოს მოქალაქის პირადობის მოწმობა, პასპორტი, დაბადების, ქორწინების, განქორწინების და გარდაცვალების მოწმობები - ის დოკუმენტებია, რომლებიც ექვემდებარება აუცილებელ რეგისტრაციას. ისინი განსაზ- ღვრავენ მოქალაქეთა საოჯახო-სამართლებრივ 5 სტატუსს. თუ თქვენ გეცოდინებათ ამ დოკუმენტის მისაღებად რომელ ორგანოს უნდა მიმარ- თოთ, რა დოკუმენტები უნდა წარადგინოთ და რა პროცედურები უნდა გაიაროთ, ეს შესაძლებლობას მოგცემთ დროულად მიიღოთ პასპორტი და ყველა ზემოთჩამოთვლილი დოკუმენტები. E ზემოთმითითებული ნორმატიული აქტები არეგულირებენ საქართველოს მოქალაქეთა და საქართველოში მუდმივად მცხოვრებ პირთა პირადობის მოწმობის, პასპორტის გაცემის, დაბადების, ქორწინების, განქორწინების და გარდაცვალების საკითხებთან დაკავშირებულ ურთიერთობებს. განსაზღვრავენ რეგისტარაციის და მომსახურების ვადებს, საფასურის განაკვეთებს, მისი გადახდისა და მისგან გათავისუფლების პირობებს.

სამოქალაქო რეესტრი

,,საქართველოს სამოქალაქო კოდექსი”- ს მე-3 კარი ეთმობა საკუთრების უფლებას. აღნიშნული კარი თავის თავში მოიცავს სამეზობლო სამართლის მარეგულირებელ ნორმებს. ეს თავი არეგულირებს მეზობელი მიწის ნაკვეთების (სახლების, ბინების) მესაკუთრეებს შორის წარმოშობილ სამართლებრივ ურთიერთობებს. 5 ყველაზე ხშირად რა პრობლემას აწყდებიან მოქალაქეები სამეზობლო დავებთან დაკავშირებით 1. მეზობელი ნაკვეთიდან (სახლიდან, ბინიდან) ხმაურის, სუნის და სხვაგვარი ზემოქმედების შედეგად წარმოქმნილი პრობლემა; 2. მეზობელ ნაკვეთთან წაშლილი საზ- ღვრის აღდგენა და დაზუსტება; 3. მეზობლის მხრიდან თქვენი საკუთრებით სარგებლობისათვის ხელის შეშლა; 4. მეზობელი მიწის ნაკვეთით სარგებლობა (აუცილებელი გზა); 5. საზიარო უფლების გაუქმება და რეალური წილის გამოყოფა თანასაკუთრებიდან

სამეზობლო სამართალი

თუ თვლით, რომ დაირღვა თქვენი უფლებები, გაქვთ დავა ადმინისტრაციულ ორგანოსთან (მერია, გამგეობა, საჯარო რეესტრი, სამოქალაქო რეესტრი), ფიზიკურ პირთან (18 წლის ქმედუნარიანი პირი) ან იურიდიულ პირთან (შპს, სააქციო საზოგადოება და ა შ) შეგიძლიათ მიმართოთ სასამართლოს. არსებობს სამი ინსტანციის სასამართლო. 1. პირველი ინსტანციის სასამართლო – რაიონული და საქალაქო სასამართლოები; 2. მეორე ინსტანციის სასამართლო – თბილისისა და ქუთაისის სააპელაციო სასამართლოები; 3. მესამე ინსტანციის სასამართლო – საქართველოს უზენაესი სასამართლო. დავის დასაწყებად უნდა მიმართოთ პირველი ინსტანციის სასამართლოს. სასამართლოში საქმის წარმოება მიმდინარეობს სასარჩელო ან უდავო წარმოების გზით. სასარჩელო წარმოებაა ისეთი სამართალწარმოება, როდესაც სასამართლოს მივმართავთ სპეციალურად შემუშავებული სარჩელის ფორმებით. სასარჩელო წარმოებისას აუცილებელია გყავდეთ მოპასუხე, რომელსაც სასამართლო წესით დააკისრებთ რაიმეს თქვენს სასარგებლოდ. მაგალითად სასამართლო წესით მოპასუხისგან შეიძლება მოითხოვოთ თქვენი არასრულწლოვანი შვილის სასარგებლოდ ალიმენტი, გასესხებული თანხის უკან დაბრუნება და ა. შ. იმისათვის, რომ საქმე აწარმოოთ სასამართლოში, საჭიროა სარჩელის შეტანამდე მოიძიოთ ყველა ის დოკუმენტი, რომელიც პირდაპირ კავ- შირშია თქვენს სადავო საკითხთან, თქვენს მიერ სარჩელში მითითებულ ფაქტებს დაადასტურებს და თქვენს სასარჩელო მოთხოვნას მოპასუხის მიმართ სამართლებრივად გაამყარებს. მოძიებული დოკუმენტები უნდა დაურთოთ სარჩელს.

სასამართლო წარმოება